How to Apply for Postal Ballot in Ap

Postal Ballot: ఏపీలోని 33 విభాగాలకు పోస్టల్ బ్యాలెట్.. ఎలా పొందాలంటే?

Postal Ballot Votes: ఏపీలో మరికొన్ని రోజుల్లో ఎన్నికలు జరగనున్నాయి. ఈ ఎన్నికలకు సంబంధించి 85 ఏళ్లు దాటిన వృద్ధులతో పాటుగా దివ్యాంగులకు ఇంటి వద్దే ఓటు వేసే సౌకర్యం కల్పించారు. అలాగే 33 విభాగాలకు చెందిన వారికి పోస్టల్ బ్యాలెట్ సౌకర్యం కల్పించారు. ఏయే విభాగాలు ఇందులో ఉన్నాయి. ఎలా పోస్టల్ బ్యాలెట్ పొందాలనేది ఇక్కడ తెలుసుకుందాం.

Postal Ballot Votes: ఏపీలో మరికొద్ది రోజుల్లో ఎన్నికల పండుగ రానుంది. మే 13వ తేదీన సార్వత్రిక ఎన్నికలతో పాటుగా ఏపీ అసెంబ్లీ ఎన్నికలు కూడా జరగనున్నాయి. ఓటు అనేది ప్రజల చేతిలో ఉన్న ఆయుధం. సరైన నాయకుణ్ని ఎన్నుకునేందుకు పౌరుల చేతిలో ఉన్న వజ్రాయుధం. అందుకే ప్రతి ఒక్కరూ ఓటుహక్కు వినియోగించుకోవాలని ఎన్నికల కమిషన్‌తో పాటుగా రాజకీయ పార్టీలు, నేతలు కోరుతుంటారు. ఓటరును పోలింగ్ కేంద్రం వద్దకు తీసుకువచ్చేందుకు అనేక అవగాహన కార్యక్రమాలు చేపడుతూ ఉంటారు. ఈ క్రమంలోనే వృద్ధులు, దివ్యాంగులకు ఇంటివద్దే ఓటు వేసే సౌకర్యం కల్పించిన ఈసీ.. అత్యవసర సేవల్లో పనిచేసే వివిధ విభాగాలకు కూడా పోస్టల్ బ్యాలెట్ సౌకర్యం కల్పిస్తోంది.

విధి నిర్వహణ కారణంగా పోలింగ్ రోజు పోలింగ్ బూత్ వద్దకు వచ్చి ఓటు వేయలేని 33 విభాగాలకు ఈసీ పోస్టల్ బ్యాలెట్ సౌకర్యం కల్పిస్తోంది. ప్రభుత్వ గుర్తింపు పొందిన జర్నలిస్టులు కూడా ఈ లిస్టులో ఉన్నారు. మీడియాతో పాటు పోలీస్, పౌర రక్షణ, మెట్రో, రైల్వే రవాణా సేవలు. దూరదర్శన్ ఉద్యోగులు, బీఎస్ఎన్ఎల్, విద్యుత్ శాఖలోని ఉద్యోగులకు పోస్టల్ బ్యాలెట్ సౌకర్యం కల్పించారు. వీరితో పాటుగా పోస్టల్‌ టెలిగ్రామ్‌, ఆకాశవాణి, ఆరోగ్యశాఖ, ఫుడ్ కార్పొరేషన్, రాష్ట్ర మిల్క్‌ యూనియన్‌, మిల్క్‌ కో ఆపరేటివ్‌ సొసైటీలకు ఈ అవకాశం ఉంది.అలాగే విమానయానం, ఆర్టీసీ, ట్రాఫిక్‌ పోలీసు, అంబులెన్స్‌ సేవలు, షిప్పింగ్‌, ఫైర్‌ ఫోర్స్‌, విపత్తు నిర్వహణ, ట్రెజరీ, అటవీశాఖ, సమాచార ప్రజాసంబంధాల శాఖ, ఎనర్జీ, ఎయిర్ పోర్ట్ అథారిటీ ఆఫ్ ఇండియా ఇలా మొత్తం 33 విభాగాలకు పోస్టల్ బ్యాలెట్ సౌకర్యం కల్పిస్తున్నారు.

పోస్టల్ బ్యాలెట్ పొందడం ఎలా..?

అయితే పోస్టల్‌ బ్యాలెట్లు పొందడానికి సంబంధిత విభాగాల ఓటర్లు ఫారం–12డీను భర్తీ చేసి రిటర్నింగ్‌ అధికారికి సమర్పించాల్సి ఉంటుంది. ఇందులో వ్యక్తిగత వివరాలతో పాటు పోస్టల్ బ్యాలెట్ ఎందుకు కోరుతున్నారో తెలియజేయాల్సి ఉంటుంది. ఆ తర్వాత పోస్టల్ బ్యాలెట్ పేపర్లతో పాటుగా డిక్లరేషన్ ఫారమ్‌లను రిటర్నింగ్ అధికారి దరఖాస్తులో పేర్కొన్న చిరునామాకు పంపుతారు. ఇక ఆ తర్వాత తమకు నచ్చిన అభ్యర్థికి ఓటువేసి డిక్లరేషన్ ఫామ్ నింపాల్సి ఉంటుంది. ఆ తర్వాత డిక్లరేషన్ ఫారమ్, బ్యాలెట్ పేపర్‌ను ఎన్వలప్ కవర్లో ఉంచి.. పోస్టల్ స్టాంపులు అతికించి తిరిగి పంపితే సరి.

వీరు ఇంటి వద్దే ఓటు వేసుకోవచ్చు – Click Here

postal ballot facility for 33 emergency services departments in Andhra Pradesh, How to Apply for Postal Ballot in Ap, How to Apply for Postal Ballot in Ap, How to Apply for Postal Ballot in Ap,

Online Application for Postal Ballot, postal ballot facility: inclusive elections, Postal Ballot status, how to apply postal ballot in Andhra Pradesh,