Property Rights: తాత ఆస్తిపై మనుమరాలికి హక్కు ఉంటుందా? కోర్టు చెప్పిన కీలక విషయాలు తెలుసుకోండి!
భారతదేశంలో ఆస్తి హక్కులు అనేది తరచుగా చర్చనీయాంశం అవుతూనే ఉంటుంది. ముఖ్యంగా హిందూ కుటుంబాల్లో పూర్వీకుల ఆస్తి (Ancestral Property) విషయంలో మనుమరాలు లేదా కూతురి కూతురు హక్కులపై తరచుగా సందేహాలు తలెత్తుతాయి. ఇక్కడ హిందూ వారసత్వ చట్టం (Hindu Succession Act) ప్రకారం ఆ హక్కులు ఎలా ఉంటాయో తెలుసుకుందాం.
2005లో హిందూ వారసత్వ చట్టంలో సవరణ జరిగి, కుమార్తెలను కూడా కుమారులతో సమానంగా కోపార్సెనర్ హక్కులు (Coparcenary Rights) కలిగిన వారిగా పరిగణించారు. అంటే, కుమార్తెలు ఇప్పుడు పుట్టుకతోనే తండ్రి పూర్వీకుల ఆస్తిలో సమాన హక్కు పొందుతారు. అయితే ఈ హక్కు మనుమరాలకు స్వయంగా వర్తించదు. అంటే తాత ఆస్తిలో కూతురి కూతురికి నేరుగా హక్కు ఉండదు. ఆమె తల్లి జీవించి ఉన్నంతవరకు మనుమరాలు హక్కు క్లెయిమ్ చేయలేరు.
ఇటీవల బాంబే హైకోర్టు ఇచ్చిన విశ్వంభర వర్సెస్ సునంద కేసులో ఒక మనుమరాలు తాత ఆస్తిలో వాటా కోరుతూ దావా వేసింది. అయితే కోర్టు స్పష్టంగా తెలిపింది — “మనుమరాలు పుట్టుకతో కోపార్సెనర్ కాదని. ఆమె తల్లి జీవించి ఉన్నంతవరకు ఆమెకు హక్కు ఉండదు. తల్లి మరణించిన తర్వాత వారసత్వం ద్వారా మాత్రమే ఆస్తి పొందే అవకాశం ఉంటుంది.”
తాత ఆస్తి ఉమ్మడి కుటుంబ ఆస్తిగా ఉంటే, కోపార్సెనర్గా తాత, కుమారుడు, కుమార్తె మాత్రమే హక్కు పొందుతారు. మనుమరాలు తల్లి మరణించిన తర్వాత మాత్రమే వారసత్వంగా తల్లి వాటాను పొందవచ్చు. తాతకు కుమారుడు లేదా కుమార్తె లేకపోతే, వారసత్వ క్రమం ప్రకారం మనుమరాలికి హక్కు వస్తుంది.
మొత్తం చెప్పాలంటే, హిందూ వారసత్వ చట్టం ప్రకారం మనుమరాలు (కూతురి కూతురు) తాత ఆస్తిపై నేరుగా హక్కు పొందలేరు. కానీ తల్లి మరణించిన తర్వాత వారసత్వం ద్వారా ఆ హక్కు వస్తుంది. కాబట్టి ఇలాంటి ఆస్తి వివాదాలపై క్లారిటీ కోసం ఎల్లప్పుడూ న్యాయ సలహా తీసుకోవడం మంచిది.
Tags
Property Rights in Telugu, తాత ఆస్తిపై హక్కు, Hindu Succession Act 2005, మనుమరాలికి ఆస్తి హక్కు, Coparcenary Rights in Telugu
